may, 2018

24may(may 24)09:0025(may 25)18:00Roots and Wings | Rætur og vængir09:00 - 18:00 (25) Veröld hús Vigdísar, Brynjólfsgötu 1 Event Organized By: VIMIUC Viðburður :Ráðstefna

Event Details

RÆTUR OG VÆNGIR
Norræn ráðstefna um skapandi samstarf þvert á landamæri tungumála og menningar.

Skráning á www.rootsandwings.is

Allir eiga sína sögu hvaðan sem þeir koma. Í fjölmenningarlegu samfélagi er það sameiginlegt verkefni okkar allra að flétta saman þessar sögur og skapa nýjar.

Menningar- og menntastofnanir í samstarfi við ýmsa aðila í samfélaginu gegna lykilhlutverki þegar kemur að því að skapa samtal í fjölbreyttu landslagi tungumála og menningar. Frá árinu 2008 hefur Borgarbókasafnið þróað öflugt fjölmenningarstarf sem byggir á þverfaglegu samstarfi við félög, stofnanir og einstaklinga, innanlands sem utan. Fjöldi verkefna hefur orðið til á þessum árum sem einkennast öll af fjölbreyttu og skapandi starfi.

Til að fagna þessum 10 ára áfanga og miðla reynslunni verður haldin norræn ráðstefna í Veröld – húsi Vigdísar, 24. og 25. maí 2018. Auk fjölmenningarlegra verkefna Borgarbókasafnsins og samstarfsaðila verða þrjú norræn verkefni kynnt.

Tilgangur ráðstefnunnar er að sýna fram á hversu miklum árangri má ná með fjölbreyttu skapandi samstarfi sem nær þvert yfir samfélagið allt. Hugmyndin er einnig að varpa ljósi á hlutverk bókasafna í fjölmenningarlegu samfélagi, skapa ný tengsl og hvetja til þróunar fleiri samstarfsverkefna á þessu sviði.

Ráðstefnan er á vegum Borgarbókasafnsins í samstarfi við Norrænu ráðherranefndina, Norska menningarráðið, Vigdísarstofnun, mennta – og menningarmálaráðuneytið og íslensku UNESCO nefndina og er hluti af samnorræna verkefninu “Inkluderende kulturliv i Norden”.

Meðal þeirra sem koma fram eru Vigdís Finnbogadóttir, fyrrverandi forseti og velgjörðarsendiherra tungumála á vegum UNESCO- menningarmálastofnunar Sameinuðu þjóðanna og Eliza Reid, forsetafrú.

Við vonumst til að sjá sem allra flesta. Allir eru velkomnir!

Ráðstefnutungumál: Íslenska og enska

Ráðstefnustjóri: Eva María Jónsdóttir

Ráðstefnuvefur: www.rootsandwings.is

Time

24 (Thursday) 09:00 - 25 (Friday) 18:00

Location

Veröld hús Vigdísar

Brynjólfsgötu 1

Organizer

VIMIUC

X