Hönnuðir vinningstillögu um nýbyggingu SVF

Arkitektastofan arkitektur.is varð hlutskörpust í hönnunarsamkeppni um byggingu fyrir alþjóðlega tungumálamiðstöð Stofnunar Vigdísar Finnbogadóttur í erlendum tungumálum á Hugvísindasviði Háskóla Íslands. Úrslit voru kunngjörð á Háskólatorgi 16. maí 2012. Samkeppnistillöguna má sjá HÉR.

Að vinningstillögunni standa Gunnlaugur Magnússon, Haraldur Örn Jónsson, Hjörtur Hannesson og Kristján Garðarsson. Í umsögn dómnefndar um tillöguna segir að hún sé heillandi, fáguð og hnitmiðuð. Vinningshafarnir hljóta fimm milljónir króna í verðlaunafé.

Önnur verðlaun komu í hlut T.ark – Teiknistofunnar Arktitektar, sem hlaut þrjár milljónir í verðlaunafé, og þriðju verðlaun hlaut Arkiteó. Hlaut stofan tvær milljónir króna í viðurkenningarskyni. Þá fengu þrjár tillögur sérstaka viðurkenningu dómnefndar, tillaga PK arkitekta ehf., tillaga VA arkitekta og tillaga Ólafar Guðnýjar Valdimarsdóttur og Björns Stefáns Valssonar. Alls bárust 43 tillögur í samkeppnina frá níu löndum beggja vegna Atlantsála.

Hér má sjá aðrar tillögur

Þú ert að nota: brimir.rhi.hi.is