Ásdís R. Magnúsdóttir

Ásdís R. Magnúsdóttir er prófessor í frönsku máli og bókmenntum við Háskóla Íslands.

Ásdís lauk doktorsnámi í frönskum bókmenntum miðalda og endurreisnar frá Université Stendhal-Grenoble 3 (nú Université Grenoble-Alpes) í Grenoble í Frakklandi árið 1997. Hún lauk DEA-prófi frá sama skóla árið 1993, meistaraprófi árið 1992 og licence-prófi árið 1991. Rannsóknaráherslur hennar og áhugi eru einkum á sviði franskra bókmennta: miðaldabókmennta, skáldsögunnar, riddarasagna og smásagna. Hún hefur einnig þýtt úr frönsku og vinnur nú að íslenskri þýðingu á Lancelot ou le Chevalier de la charrette (Lancelot eða kerruriddaranum) eftir Chrétien de Troyes og gerð smásagnasafns með verkum eftir ýmsa franska kvenrithöfunda (Marie de France, Marguerite de Navarre, Madame de La Fayette, George Sand, Colette, Marguerite Yourcenar o.fl.). Hún er þátttakandi í verkefninu „La matière arthurienne aux XIVe-XVIe siècles en Europe“ og vinnur m.a. að rannsóknum á miðaldaþýðingum og útbreiðslu „efniviðarins frá Bretagne“.

Aðsetur: Nýi-Garður, Skrifstofa 104, sími 525-4569,

netfang: asdisrm@hi.is

Heimasíða Ásdísar Magnúsdóttur.

Þú ert að nota: brimir.rhi.hi.is