í Fréttir

Komið hefur verið á fót styrktarsjóði við Háskóla Íslands í nafni Stephans G. Stephanssonar. Markmiðið með sjóðnum er að stuðla að rannsóknasamstarfi fræðimanna á Íslandi og í Vesturheimi á sviði innflytjendabókmennta. Vonir standa til að hægt verði að koma á fót kennslu- og rannsóknarstöðu við stofnunina í minningu íslenskra skálda í Vesturheimi.

Ásamt konu sinni, Adriönu, hefur Stephan Vilberg Bendiktson, búsettur í Mexíkó, lagt til stofnfé sjóðsins í minningu afa síns, Stephans G. Stephanssonar. Þá hafa hjónin Heather Alda og William Ireland frá BreskuKólumbíu í Kanada og hjónin Moorea og Glen Grey frá Alberta í Kanada lagt fé í sjóðinn. 

Allar nánari upplýsingar um sjóðinn veitir Birna Bjarnadóttir hjá Stofnun Vigdísar Finnbogadóttur.

 

Aðrar fréttir
X