í Óflokkað

Frestur til að frá nafn sitt ritað á heiðursnafnalista greinasafnsins An Intimacy of Words/Innileiki orðanna. Essays in Honour of Pétur Knútsson/Festschrift til heiðurs Pétri Knútssyni, hefur verið framlengdur til 10. október.

Áhugasömum býðst að kaupa ritið á sérstöku áskriftarverði að upphæð kr. 4900 en listaverð ritsins er kr. 5900. Panta má ritið með því að senda tölvubréf á netfangiðinfovigdis@hi.is fyrir 10. október 2015, og fá nafn sitt skráð á heiðursnafnalista ritsins,Tabula in honorem.

Pétur Knútsson lét af störfum sínum sem dósent í enskum málvísindum við Deild erlendra tungumála, bókmennta og málvísinda í Háskóla Íslands haustið 2012 eftir 34 ár í starfi. Pétri til heiðurs og sem þakkarvottur fyrir frábæra samvinnu og samveru, ákváðu samstarfsmenn hans að gefa út rit þar sem kæmu saman fræðigreinar sem tengdust þeim margvíslegu fræðasviðum sem hann hefur sinnt. An Intimacy of Words/Innileiki orðanna. Essays in Honour of Pétur Knútsson/Festschrift til heiðurs Pétri Knútssyni mun koma út hjá Stofnun Vigdísar Finnbogadóttur í erlendum tungumálum og Háskólaútgáfunni um miðjan nóvember, með liðsinni Málvísindastofnunar. Ritið verður um 350 bls. að lengd. Sjá nánar hér.

Aðrar fréttir
X