í Óflokkað

Þann 13. september var opnað námskeið í íslensku sem öðru máli, www.icelandiconline.is  fyrir snjalltæki. Á sama tíma var opnað fyrsta netnámskeiðið í færeysku www.faroeseonline.fo.

www.icelandiconline.is eru sex vefnámskeið í íslensku. Fyrsta þeirra var opnað til notkunar 2004 og það sjötta 2013. Námskeiðin eru sjálfstýrð og öllum opin til notkunar á Netinu gegnum sérhannað fjölkerfi til tungumálakennslu.

Yfir 160 þúsund manns bæði hér á landi og um allan heim hafa heimsótt námskeiðin en 45 þúsund þeirra eru virkir í dag. Auk þess að vera notuð í sjálfstýrðu námi eru námskeiðin notuð í skipulögðu námi við Háskóla Íslands og erlenda háskóla þar sem nútímaíslenska er kennd.

Icelandic Online er samstarfsverkefni Hugvísindasviðs Háskóla Íslands, Stofnunar Vigdísar Finnbogadóttur og Stofnunar Árna Magnússonar í íslenskum fræðum.

Fyrir u.þ.b. þremur árum kom forsetaskrifstofan þeirri ósk á framfæri við Kristínu Ingólfsdóttur þáv. rektor Háskóla Íslands að námskeiðin yrðu einnig aðgengileg úr fartækjum. Rektorsskrifstofan lagði fram byrjunarfjárframlag til að sú vinna gæti farið af stað í samvinnu milli verkefnisstjórnar Icelandic Online og tölvunarfræðideildar Háskólans.

Endurforritunin hófst fyrir tveimur árum og hafa nemar í tölvunarfræði þróað nýtt forrit fyrir námskeiðin undir leiðsögn Patrick Thomas máltölvunarfræðings sem hefur verið verkefnisstjórninni til ráðgjafar allt frá því að fyrsta Icelandic Online námskeiðið var unnið. Hinn 13. september nk. verður fyrsta endurforritaða námskeiðið opnað til almennrar notkunar á Netinu. Þetta námskeið kallast Bjargir (e. survival course) og er ætlað innflytjendum sem eru byrjendur í íslensku. Vinna við að endurforrita önnur námskeið er hafin.

Auk rektorsskrifstofunnar og þeirra stofnana sem standa að IOL hafa Vinnumálastofnun og Nordplus Voksen og Nordplus sprog áætlanirnar stutt endurforritun IOL og samstarf verkefnisstjórnarinnar við Fróðskaparsetrið í Færeyjum og Helsinkiháskóla.

 

Hér má sjá myndir frá viðburðinum.

 

Aðrar fréttir
X