í Óflokkað

Lydia Gil Keff, lektor við spænskudeild Háskólans í Denver í Bandaríkjunum, heldur fyrirlestur á vegum Stofnunar Vigdísar Finnbogadóttur í erlendum tungumálum og Rannsóknastofu í minni og bókmenntum við Háskóla Íslands. Fyrirlesturinn ber yfirskriftina „Active Memory: Memorializing Disappearance in Argentina through Literary Testimonies“ og verður fluttur á ensku.

Í fyrirlestri sínum fjallar fræðikonan um birtingarmyndir minninga í bókmenntatextum í tengslum við mannshvörf á tímum herforingastjórnarinnar í Argentínu á árunum frá 1976 til 1983.

Hólmfríður Garðarsdóttir, prófessor í spænsku, kynnir fyrirlesarann.

Viðburðurinn fer fram miðvikudaginn 30. mars kl. 16:30-17:30 í stofu 103 í Lögbergi í Háskóla Íslands. Allir eru velkomnir.

Aðrar fréttir
X