Birna Bjarnadóttir las bókmenntir við Freie Universität í Berlín, University of Warwick og Háskóla Íslands. Hún lauk doktorsgráðu í íslenskum bókmenntum við Háskóla Íslands 2003, (rannsóknir við University of Warwick), veitti Íslenskudeild Manitóbaháskóla forstöðu 2003-2015 og stýrði Vesturheimsverkefni Háskóla Íslands á vegum Stofnunar Vigdísar Finnbogadóttur í erlendum tungumálum 2015‒2020.

Rannsóknasvið hennar eru fagurfræði og frásagnarhefð nútímabókmennta, íslensk-kanadískar bókmenntir, íslensk-amerískar bókmenntir, landnám innflytjenda í nútímabókmenntum og arfur útlegðar í nútímabókmenntum.

Birna hefur birt fræðirit, skáldskap og greinar beggja vegna hafs og ritstýrt fjölda bóka. Fyrir utan rannsóknir á sköpunarkrafti vistaskipta í verkum skálda og rithöfunda íslenskunnar í Vesturheimi um og eftir aldamótin nítján hundruð, stýrir hún einnig um þessar mundir Leiðangrinum á Töfrafjallið (2013‒2020), samstarfsverkefni lista‒ og fræðimanna, og leiðir, ásamt Inga Birni Guðnasyni bókmenntafræðingi, alþjóðlega menningarverkefnið Lesið í sköpunarkraft Vestfjarða.

Ferilskrá Birnu Bjarnadóttur