Kristín Ingvarsdóttir lauk doktorsprófi í félagsvísindum frá Hitotsubashi-háskóla í Tókýó árið 2006 og meistaragráðu frá sama skóla árið 2002. Doktorsverkefni hennar fjallar um alþjóðavæðingu í japönsku samfélagi, en meistaraprófsverkefni um tengsl friðar- og varnarstefnu í Japan. Hún lauk BS-gráðu í alþjóðaviðskiptum með áherslu á Japan og Austur-Asíu frá Verslunarháskólanum í Kaupmannahöfn (CBS) árið 1998. Kristín var gestafræðimaður við Asíudeild Columbia-Háskóla árið 2008.

Kristín tók við starfi lektors í japönskum fræðum haustið 2019. Hún vinnur nú m.a. að rannsókn á samskiptum Íslands og Japans og á stefnu Japans gagnvart Norðurslóðum. Kristín hefur unnið að fjölmörgum Japanstengdum og alþjóðlegum verkefnum, m.a. sem kynningar- og viðburðastjóri fyrir Norðurlöndin á Heimssýningunni í Nagoya árið 2005, sérfræðingur í Japansmálum hjá tölvuleikjaframleiðandanum CCP (2009-2014) og skrifstofustjóri fyrir Umhverfisverðlaun Norðurlandaráðs (2015-2019).

Sjá ferilskrá hér