Stefano Rosatti lauk doktorsnámi í almennri bókmenntafræði frá Háskóla Íslands árið 2022 og MA gráðu í kennslufræðum og útbreiðslu ítalskrar tungu og menningar frá Ca’ Foscari-háskólanum í Feneyjum á Ítalíu árið 2005. Hann lauk laurea-gráðu í ítölskum bókmenntum frá Háskólanum í Genúa á Ítalíu árið 1996. Rannsóknasvið hans eru ítalskar endurreisnar- og samtímabókmenntir, m.a. ítalskar bókmenntir í lok 19. aldar og á öndverðri 20. öld.

Stefano hefur á síðustu árum þýtt sjö skáldsögur Auðar Övu Ólafsdóttur á ítölsku og skáldsöguna “Stormfuglar” eftir Einar Kárason.