Toby Erik Wikström er verkefnisstjóri við Miðstöð framhaldsnáms og sérfræðingur við Hugvísindastofnun Háskóla Íslands.

Toby hlaut doktorsgráðu í frönsku og rómönskum fræðum frá Columbia University í New York árið 2010, MA gráðu í frönskum bókmenntum árið 2002 frá University of Wisconsin-Madison í Madison og BA gráðu í frönskum bókmenntum frá Carleton College í Minnesota árið 1996. Toby lagði einnig stund á íslenskunám við Háskóla Íslands 1997-98 og sænsku- og frönskunám við Stokkhólmsháskóla 1996-98.

Rannsóknaráhugi Toby beinist að frönskum nýaldarbókmenntum með sérstakri áherslu á tengsl leikhúsbókmennta við hnattvæðingar á 17. öld, samband lögfræði og bókmennta, þrælahaldsögur og Miðjarðarhafsfræði.

CV Wikstrom_2022